Asambleistët Mjedisor të Mitrovicës janë në një mision për të bërë një ndryshim të dukshëm në komunitetin e tyre. Për të arritur këtë qëllim, ata vendosën të implementojnë një ide inovative në shkollën SHFMU "Bedri Gjinaj". Me mbështetje nga organizata EcoZ, grupi pajisi shkollën me rubineta moderne me sensor. Ky iniciativë ka për qëllim promovimin e kursimit të ujit dhe rritjen e ndërgjegjësimit mes nxënësve dhe mësimdhënësve për rëndësinë e përdorimit të përgjegjshëm të burimeve ujore.

Instalimi i këtyre rubineteve nuk është vetëm një zgjidhje praktike për kursimin e ujit, por gjithashtu një mjet edukativ për angazhimin e brezit të ri në praktika të qëndrueshme. Duke realizuar këtë ndryshim, Asambleistët Mjedisor të Mitrovicës shpresojnë të vendosin një shembull pozitiv për komunitetin dhe të inkurajojnë të tjerët që të adoptojnë praktika të ngjashme në jetën e përditshme.

Ky aktivitet u mundësua si pjesë e projektit "Qëndrueshmëria Mjedisore me Fëmijët," i zbatuar nga EcoZ në partneritet me Save the Children Kosova/o dhe financohet nga Agjencia Suedeze për Bashkëpunim Ndërkombëtar dhe Zhvillim (Sida).