Me eventin "1 Million Trees Campaign," EcoZ, së bashku me Asambleistët Mjedisor të Gjakovës dhe Komunën e Gjakovës, u bashkuan për të dhënë një kontribut të rëndësishëm në gjelbërimin e hapësirave publike të qytetit. Ky aktivitet synon jo vetëm shtimin e sipërfaqeve të gjelbra, por edhe krijimin e një lidhjeje më të fortë midis komunitetit dhe natyrës.

Mbjellja e pemëve në hapësirat publike të Gjakovës nuk është vetëm një aksion simbolik, por një investim në një të ardhme më të shëndetshme dhe më të qëndrueshme për të gjithë. Pemët luajnë një rol kyç në përmirësimin e cilësisë së ajrit, reduktimin e ndotjes, krijimin e mikroklimave më të freskëta dhe ofrimin e hapësirave më të këndshme për banorët e qytetit.

Faleminderit të gjithë atyre që u bënë pjesë e kësaj nisme dhe kontribuuan në realizimin e këtij aktiviteti me kaq vlerë! Mbështetja dhe angazhimi i të rinjve, institucioneve dhe organizatave të shoqërisë civile tregojnë fuqinë e veprimeve të përbashkëta për një mjedis më të mirë.

Ky aktivitet u realizua në kuadër të projektit "Qëndrueshmëria Mjedisore me Fëmijët," i cili zbatohet nga EcoZ në partneritet me Save the Children Kosova/o dhe financohet nga Agjencia Suedeze për Bashkëpunim Ndërkombëtar dhe Zhvillim (Sida). Kjo iniciativë është një dëshmi se investimi në edukimin dhe përfshirjen e fëmijëve në mbrojtjen e mjedisit është një hap i rëndësishëm drejt një të ardhmeje më të gjelbër dhe më të qëndrueshme.